Пасольства абвергла заявы Сямашкі аб падпісанні карт інтэграцыі з Расіяй 9 верасня

Амбасада Беларусі ў Расіі назвала "не зусім карэктнай" інтэрпрэтацыю слоў амбасадара Уладзіміра Сямашкі аб падпісанні 9 верасня карт інтэграцыі паміж краінамі.


Як піша БелТА, у пасольстве заявілі, што абмеркаванне саюзных праграм інтэграцыі працягваецца, а аб выніках будзе паведамлена кіраўнікам дзяржаў, якія абмяркуюць іх на сустрэчы 9 верасня.
"У сувязі з не зусім карэктнай інтэрпрэтацыяй шэрагам СМІ слоў пасла Беларусі ў Расіі Уладзіміра Сямашкі ў рамках візіту ў Варонежскую вобласць пасольства яшчэ раз удакладняе, што сумесная праца бакоў над саюзнымі праграмамі інтэграцыі працягваецца ў канструктыўным ключы. Яе вынікі будуць даложаны кіраўнікам дзяржаў, якія абмяркуюць іх у ходзе вочнай сустрэчы 9 верасня ў Маскве і прымуць рашэнне па далейшых крокаў», — растлумачылі ў дыпмісіі.
Нагадаем, сёння расійскія СМІ са спасылкай на Сямашку паведамілі, што Аляксандр Лукашэнка і Уладзімір Пуцін на сустрэчы 9 верасня могуць падпісаць усе дарожныя карты па паглыбленні інтэграцыі. Затым дзяржагенцтва БелТА паспрабавала змякчыць фармулёўкі і перадало некалькі іншую думку пасла, па якой інтэграцыйныя пагадненні могуць быць падпісаныя пазней — на саюзным Саўміне.
Трэба адзначыць, што Уладзімір Сямашка сёлета ўжо тройчы "прадказваў" тэрміны ўзгаднення інтэграцыйных карт. У пачатку красавіка ў інтэрв'ю «Расійскай газеце» казаў, што іх узгодняць да канца месяца, а затым падпішуць у першым паўгоддзі. Літаральна праз тыдзень ён заявіў, што дакументы ўзгодняць да канца траўня.
Як вядома, прагнозы не апраўдаліся. У канцы красавіка пасол ужо казаў аб падпісанні ў верасні-кастрычніку. Разам з тым на мінулым тыдні ў інтэрв'ю беларускаму тэлебачанню прэм'ер-міністр Раман Галоўчанка паабяцаў, што хутка грамадзяне дзвюх краін даведаюцца ў поўным аб'ёме, аб чым удалося дамовіцца ў рамках інтэграцыі.
reform.by