Затрымалі дзяўчыну, якая прыйшла на суд над Вольгай Залатар

Сёння днём ля збудавання Мінскага гарадскога суда затрымалі 32-гадовую Таццяну Батуру, паведамляюць праваабаронцы.

Паведамляецца, што яна хацела патрапіць на суд над палітзняволенай Вольгай Залатар. Але дзяўчына не прайшла кантроль на рамках перад залай суда — яе затрымалі.
Відавочцы бачылі, як яе звезлі на шэрым бусе ў невядомым кірунку. Цяпер месцазнаходжанне Таццяны невядома — у РУУСах кажуць, што яе ў іх няма.