Вольга Хіжынкова знялася ў прыгожай фота-сесіі. Раней яна правяла 42 сутак на Акрэсціна (фота)
«Міс Беларусі-2008» Вольга Хіжынкова стала героем фота-сесіі фэшн-фатографа Ігара Ткачэнкі. Здымкі мастак выклаў на сваёй старонцы ў фэйсбуку.
«Памылкай было меркаваць што змрок вязніцы патушыць агонь у сэрцы! І гэта нават не здымка, а сустрэча, падчас якой атрымаліся гэтыя светлыя кадры. Беражыце ў сабе чалавека», — напісаў Ігар Ткачэнка.
Вольга Хіжынкова — актыўны ўдзельнік акцый пратэсту ў Беларусі пасля прэзідэнцкіх выбараў 2020 года, неаднаразова выказвалася за дэмакратычныя перамены ў краіне. 15 верасня 2020 года была звольненая з Нацыянальнай школы прыгажосці.
8 лістапада 2020 года затрыманая міліцыяй на мірнай
нядзельнай акцыі пратэсту «Марш народаўладдзя» ў Мінску, змешчаная ў
следчы ізалятар на Акрэсціна. Паводле некалькіх судовых рашэнняў, правяла ў няволі агулам 42 сутак.