У Мінску каля амбасады Расіі за адзіночны пікет затрымалі выкладчыцу
У Мінску і сёння працягваюцца затрыманні за ўдзел у мірных акцыях.
Валянціна Голубева на адзіночным пікеце
У Мінску 3 верасня каля амбасады Расійскай федэрацыі затрымалі Валянціну Голубеву, якая выйшла на адзіночы пікет. Выкладчыца англійскай мовы, якая раней выкладала в Мінскім дзяржаўным лінгвістычным універсітэце, выйшла да амбасады з плакатам з надпісам "Лепшая дапамога РФ — не падтрымліваць дыктатара".
Пасля пікета да яе падышлі міліцыянты і затрымалі. Цяпер яе сын і адвакатка шукаюць інфармацыю аб тым, у які РУУС яе павезлі.