У Беларусі зарэгістравана 1064 выпадкі COVID-19

У Беларусі за суткі зарэгістравана 1064 новыя пацыенты з COVID-19, паведамляе Міністэрства аховы здароўя. Усяго з пачатку пандэміі ў краіне ўжо выяўлена 718 098 выпадкаў.

Выпісаныя за дзень 950 пацыентаў. Агульная колькасць афіцыйна ачунялых дасягнула 710 876, піша REFORM.by.

У краіне за суткі памерлі 14 чалавек з выяўленай каронавіруснай інфекцыяй. Агульная колькасць смяротных зыходаў у афіцыйнай статыстыцы дасягнула 5850.

У краіне зроблена 11,36 млн. тэстаў, у тым ліку 5098 за суткі. Такім чынам, пазітыўнымі аказаліся 20% тэстаў.