Трыпціх “Раўнадушша забівае”

У межах кампаніі “Праваабаронцы супраць смяротнага пакарання  ў Беларусі” праводзіцца шэраг мерапрыемстваў, скіраваных на адмену смяротнага пакарання ў Беларусі. Адным з накірункаў дзейнасці з’яўляецца інфармаванне насельніцтва краіны аб тым, што Беларусь — апошняя краіна ў Еўропе і  на постсавецкай прасторы, дзе захаваўся гэты варварскі від пакарання.



Інфармаванне насельніцтва адбываецца рознымі шляхамі, праз раздачу буклетаў і ўлётак, распаўсюд  налепак, банераў, а таксама і праз распаўсюд  рознага кшталту медыя-прадукцыі.

Паспяховым прыкладам з’яўляецца мультыплікацыйны фільм “Палёт”, створаны таленавітымі валанцерамі кампаніі. Гэта анімацыйная стужка, раскрывае тэму бесчалавечнасці і жорсткасці смяротнага прысуду ў Беларусі  http://youtu.be/mH2SYEJsUdU

А да гэтага, маладыя дзяўчаты з магілёўскага рэп-гурта “Прадмова” Роня Роніч і Каця Красавік пры ўдзеле Уладзіміра Някляева, Адама Глобуса, Любові Кавалёвай і праваабаронцаў, стварылі і запісалі рэп супраць смяротнага пакарання http://youtu.be/mqjEVE0W7Cs

“Як паказвае практыка, — кажакаардынатар кампаніі, праваабаронца Андрэй Палуда, гэтыя намаганні не праходзяць безвынікова, і добрае свед чанне таму, не толькі колькасць праглядаў ролікаў, але і тое што на адрас кампаніі простыя людзі — якія неабыякава ставяцца да гэтага пытання, дасылаюць самастойныя працы на важную для грамадства тэму. 

Такіх прац мы ужо атрымалі некалькі, і вырашылі выставіць адну з іх для агульнага прагляду. А ўвогуле ў  будычыні плануем правесці конкурс такіх работ, а лепшыя з іх — заахвоціць” .
spring96.org

відэа можна паглядзець тутhttp://spring96.org/be/news/61235