Сафію Сапега і Рамана Пратасевіча перавялі пад хатні арышт

Расіянку Сафію Сапега, затрыманую ў Мінску разам з Раманам Пратасевічам, перавялі пад хатні арышт. Крыху пазней бацькі паведамілі журналістам ВВС, што пад хатнім арыштам — і сам Раман.

Пра гэта паведамілі ВВС бацькі Сапега.

Цяпер Сафія жыве адна ў здымнай кватэры ў Мінску.

"Мы шакаваныя", — сказаў айчым Сафіі Сяргей Дудзіч. Для бацькоў Сафіі Сапега гэта стала нечаканасцю.

Крыху пазней стала вядома, што пад хатнім арыштам таксама і Раман Пратасевіч. Пра гэта таксама паведаміў ВВС яго бацька Дзмітрый Пратасевіч.

Бацькі Рамана яго не бачылі.

"Мне складана каментаваць дзеянні ўладаў, якія ў іх мэты", — сказаў ён. "Яны ўсё роўна пад поўным кантролем уладаў, абвінавачванні з іх ніхто не зняў".

Паводле Дзмітрыя Пратасевіча, адвакаты і ўлады па-ранейшаму нічога не паведамляюць сям'і.

"Нам нічога не кажуць пра стан Ромы, пра яго статус, гэта проста здзек", — сказаў ён.