Прэм'ер Нідэрландаў заклікае Пуціна не накладваць вета на міжнародны праект па MH17

Нідэрланды заклікаюць Расею не накладваць вета на праект рэзалюцыі аб стварэнні міжнароднага трыбунала па крушэнню пасажырскага самалёта ў Данбасе.



Просьбу выказаў у тэлефоннай размове з расійскім прэзідэнтам Уладзімірам Пуціным нідэрландскі прэм'ер-міністр  Марк Рутэ, паведамляе "Радыё Свабода".

Размова адбылася па ініцыятыве Амстэрдама — напярэдадні  прызначанага на 29 ліпеня галасавання ў Савеце Бяспекі ААН па прапанаванаму Малайзіяй дакументу. Стварэнне трыбунала па авіякатастрофе ў Данбасе падтрымліваюць Нідэрланды, Аўстралія, Украіна і Бельгія.

Адпаведная рэзалюцыя прадугледжвае супрацоўніцтва з трыбуналам ўсіх зацікаўленых краін, якія ў выпадку адмовы ад садзейнічання могуць сутыкнуцца з санкцыямі.

Паводле інфармацыі прэс-службы Крамля, Пуцін у размове з Рутэ пацвердзіў пазіцыю Масквы аб немэтазгоднасці фарміравання міжнароднага трыбунала па "Боінгу". Пуцін таксама акцэнтаваў ў размове, што ў Масквы застаецца нямала пытанняў да міжнароднага расследавання, у тым ліку да сабранай доказнай базе і ў сувязі з недапушчэннем Расіі да істотнага ўдзелу ў яго правядзенні, заяўляюць у Крамлі.

Як паведамлялася раней, прадстаўнік Расіі пры ААН Віталь Чуркін заявіў у панядзелак, што Расея прагаласуе супраць малайзійскага праекта рэзалюцыі. Па словах Чуркіна, у выпадку калі дакумент набярэ неабходныя для прыняцця дзевяць з 15 галасоў краін — членаў Савета Бяспекі, расійская дэлегацыя скарыстаецца правам вета.

Пасажырскі "Боінг" малайзійскіх авіяліній пацярпеў крушэнне 17 ліпеня 2014 года. Загінулі ўсе, хто быў на борце (298 чалавек), большасць з іх жыхары Нідэрландаў.

Нідэрланды ўзначальваюць міжнароднае расследаванне прычын катастрофы. Паводле асноўнай версіі, самалёт быў збіты ў небе над Украінай расійскай ракетай. Расія і баевікі адмаўляюць якое- небудзь дачыненне да гэтага.

Паводле: “Белорусский партизан”