Падтрымайма Іркуцкіх беларусаў!

Моладзевы клуб «Крывічы» прымае ўдзел у конкурсе «Лепшы Нацыянальна-культурны Цэнтр горада Іркуцка». Кожны жадаючы можа дапамагчы беларусам Іркуцка перамагчы.

«Мы працягнем справу нашых прашчураў. Мы не дамо згінуць беларускаму народу! Мы будзем вучыць і размаўляць на беларускай мове, святкаваць народныя нацыянальныя абрады, вывучаць і распаўсюджваць нашу сапраўдную гістарычную спадчыну, спяваць народныя аўтэнтычныя песні, танчыць нацыянальныя скокі!
Мы Іркуцкі Маладзёвы Клуб «Крывічы» — ганарымся сваім паходжаннем! Ганарымся, што мы Беларусы!
У Іркуцку нас ведаюць, да нас імкнуцца. І мы адкрыты для ўсіх. Мы з годнасцю распавядаем усім пра наш народ!
Ну а ці будзем мы першымі ў Конкурсе на «Лепшы Нацыянальна-культурны Цэнтр горада Іркуцка» не істотна. Але калі гэта здарыцца, то Мы тым самым пакажам, што мы можам Злучыцца пад час Неабходнасьці. Мы Дакажым, што Беларусы – гэта Моц!» — кажуць «Крывічы».
Каб прагаласаваць — неабходна са стацыянарнага камп'ютара зайсці на сайт admirk.ru і зарэгістравацца. Пасля, трэба аўтарызавацца на сайце і націснуць на рубрыку «Город для Жизни», далей выбраць «Гражданское общество», справа знайсці і націснуць «Национально-культурные центры». Справа з'явіцца вакенца «Опрос». Трэба прагартаць «следующее» пакуль не з'явіцца «Молодёжный клуб «Кривичи» і націснуць «Проголосовать». Зноў выскакне спіс нацыянальна-культурных цэнтраў, але злева будзе поле для «каўкі». Знаходзім «Молодёжный клуб «Кривичи» і ставім насупраць яго «каўку», ціснем «Проголосовать». Ваш голас будзе залічаны.