«Наляцелі са спіны, збілі з ног»

У Мінску затрымлівалі фотакарэспандэнта TUT.BY Вадзіма Заміроўскага

У Мінску каля станцыі метро «Пушкінская» супрацоўнікі міліцыі затрымлівалі фотакарэспандэнта TUT.BY Вадзіма Заміроўскага. Пры затрыманні яго збівалі.
Вадзім выконваў рэдакцыйнае заданне, ён фатаграфаваў тое, што адбываецца на месцы мемарыяла Тарайкоўскага. Сёння днём там рэагентамі засыпалі надпіс на асфальце "не даруем". Прыйшлі ўвечары людзі спрабавалі прыбраць тэхнічную соль. Вадзім толькі паспеў паведаміць у рэдакцыю, што прыбыў на месца. Літаральна праз некалькі хвілін TUT.BY паведамілі, штоа журналіста жорстка затрымалі супрацоўнікі міліцыі.
— Пад'ехалі аўтазакі, бусік і міліцэйская машына. Людзі сталі разбягацца. Я забегла на горку, павярнулася, а вашага журналіста схапілі двое. Перад гэтым ён упаў, не ведаю-спатыкнуўся сам або яны падножку паставілі. Яны заламалі назад яму рукі і хутка павялі — распавяла сведка затрымання.
Яшчэ адна сведка затрымання кажа, што Вадзім Заміроўскі фатаграфаваў дзяцей, якія совачкамі ў дзіцячыя вядзерцы збіралі рассыпаную на асфальце соль, калі на яго наляцелі сілавікі.
— Мяне супрацоўнік міліцыі папрасіў адысці, і калі я выглянула з-за яго пляча, фатографа ўжо адводзілі пад рукі.
Адзначым, што Вадзім Заміроўскі быў у сіняй камізэльцы з надпісам "Прэса" і бэйджам TUT.BY.
Сілавікі вазілі Заміроўскага па горадзе хвілін сорак. Вось што распавёў пра сваё затрыманне сам Вадзім:
— Наляцелі са спіны, збілі з ног, закінулі ў белы бус. Там пабілі, абшукалі, забралі флэшкі і высадзілі ў Сухараве.
.tut.by