Мінздароўя: Беларуская вакцына ад COVID-19 будзе гатовая ў 2023 годзе

Пра гэта падчас міжнароднай канферэнцыі ў Мінску паведаміў міністр аховы здароўя Дзмітрый Піневіч.

«Плануем, што наша вакцына будзе гатовая ў 2023 годзе — мы вытрымаем усе крытэрыі па бяспецы, даступнасці і якасці», — сказаў Піневіч.
Як падкрэсліў міністр, «праз два гады мы будзем мець уласную вакцыну, якая дазволіць глядзець у будучыню і змагацца з пандэміяй рознага характару».
Выказаўся міністр і з нагоды вакцынацыі. На яго думку, поствакцынальны імунітэт найбольш устойлівы, таму стратэгічная задача — прышчапляць. «Для гэтага дастаткова вакцын як сумеснай расійска-беларускай вытворчасці, так і кітайскай. Яны ахопліваюць увесь спектр насельніцтва. На мінулым тыдні з'явілася новая вакцына — "Спутник Лайт". Заклікаю ўсіх падумаць пра гэта і зрабіць свой выбар. Мая ўсвядомленая пазіцыя як прафесіянала, упраўленца і чалавека — мы павінны максімальна вакцынавацца», — заявіў Піневіч.
Паводле interfax.by