Мінздароўя Беларусі заявіла, што вакцынацыя ад каронавіруса медыкаў амаль скончылася

Міністэрства аховы здароўя Беларусі заявіў, што вакцынацыя ад каронавіруса медыкаў амаль скончылася. Лекараў і медработнікаў прышчаплялі расійскай вакцынай «Спутник V».

Планавая вакцынацыя медыцынскіх работнікаў у Беларусі заканчваецца, паведаміла прэс-служба Міністэрства аховы здароўя ў тэлеграм-канале. Лекараў і медработнікаў прышчаплялі расійскай вакцынай «Спутник V».

Работнікаў з так званай «зоны рызыкі» прышчапілі першымі ў Беларусі. Далей вакцыну размяркоўвалі па рэгіёнах, паводле заявак з бальніц і паліклінік.

«Усе пытанні захавання халадовага ланцуга адпрацаваныя», — пракаментавалі ў Міністэрстве аховы здароўя.

Па рэгіёнах вакцынаванне медработнікаў — на высокім узроўні выканання. У Брэсцкай вобласці прышчэплены звыш 91 адсотка запісаліся на вакцыну медыкаў, на Віцебшчыне, Гомельшчыне, Гродзеншчыне і Мінску — 100 працэнтаў. У Мінскай і Магілёўскай абласцях завяршаецца вакцынаванне медработнікаў — у рэгіёнах 78 і 94 працэнты адпаведна.

— Імунізацыя па-ранейшаму з’яўляецца найважнейшым кампанентам у барацьбе з эпідэмічным працэсам. Вакцынацыя праводзіцца добраахвотна, — нагадалі ў Міністэрстве аховы здароўя.

Завяршыць вакцынацыю медыкаў у Беларусі плануюць да канца працоўнага тыдня, гэта значыць да 13-14 лютага 2021 года. Паралельна ўжо пачалося вакцынаванне работнікаў устаноў адукацыі, супрацоўнікаў інтэрнатаў, дамоў састарэлых, сацслужбаў і іншых грамадзян, прафесійныя абавязкі якіх звязаны з кантактаваннем з вялікай колькасцю людзей.

Аднак інфармацыя, што з’яўляецца ў СМІ, далёкая ад аптымізму Мінздароўя. Напрыклад, у Брэсце дактары не вельмі жадалі прышчапляцца «Спутникам».