Лёду ў Арктыцы становіцца ўсё менш нават зімой

Нарвежскія навукоўцы, якія вывучаюць змены клімату ў Арктыцы, з трывогай канстатуюць, што Арктыка імкліва вызваляецца ад лёду — нават узімку, паведамляе нарвежскі тэлеканал NRK.

Ларс Смедсруд (Lars Henrik Smedsrud), прафесар Бергенскага ўніверсітэта, адзначае, што яшчэ да нядаўняга часу Паўночны Ледавіты акіян хутка замярзаў зімой. Але зараз усё змянілася. Баранцава мора ўжо стала губляць вялікую частку лёду зімой, і, мяркуючы па ўсім, падобнае чакае і вялікія часткі акіяна.
Амерыканская арганізацыя Нацыянальны цэнтр вывучэння снегу і лёду ў ЗША публікуе дэталёвую інфармацыю, у прыватнасці, пры падтрымцы NASA.
Цэнтр адзначае, што марскія льды ў Арктыцы дасягнулі максімальных велічынь 17 сакавіка. Тады ледзяное покрыва складала 14,48 мільёнаў квадратных кіламетраў. За тыя 40 гадоў, што вядуцца вымярэнні з дапамогай спадарожнікаў, гэта другі найгоршы паказчык.
За апошнія чатыры гады ледзяное покрыва акіяна пастаянна скарачаецца.
Гэтай зімой тэмпература ва ўсім Паўночным Ледавітым акіяне была на чатыры градуса вышэй, чым звычайна. А тэмпература паветра — на сем.
Вучоны мяркуе, што ўжо ў 2020-я гады шмат якія моры Паўночнага Ледавітага акіяна будуць цалкам вольныя ад льдоў летам. А потым падобная доля можа чакаць марскія льды і зімой. Гэта можа мець як станоўчыя, так і адмоўныя наступствы.
Да станоўчых варта аднесці вялікія магчымасці для суднаходства, рыбалоўства і здабычы карысных выкапняў.
У гэтай сувязі можа істотна ўзрасці роля нарвежскага Кіркенеса. Вялікія аб'ёмы тавараў могуць накіроўвацца ў порт з Еўропы, а адтуль у Азію.
Але кліматычныя змены азначаюць разам з тым і сур'ёзнае ўзварушэнне для ўсёй экасістэмы і праблемы для народнасцяў, якія жывуць у льдах.
У выпадку працягу пацяплення вялікія аб'ёмы метану, якія цяпер замарожаны ў сібірскіх льдах, апынуцца на паверхні. І гэта будзе азначаць далейшае пацяпленне на зямным шары.
Навукоўцы кажуць пра тое, што да канца гэтага стагоддзя Паўночны Ледавіты акіян можа вызваліцца ад лёду.
Цяпер летам у акіяне толькі 4,5 мільёна квадратных кіламетраў лёду, а яшчэ ў 1980-я гады льды пакрывалі тэрыторыю амаль у 8 мільёнаў.
Паводле inosmi.ru