Артыст Дзмітрый Кукс адбыў 15-суткавы арышт, але адразу быў зноў затрыманы

Былы артыст беларускага ансамбля «Харошкі» Дзмітрый Кукс быў затрыманы адразу пасля выхада з 15-суткавага арышту, паведамляе «Вясна».

Мужчыну пасадзілі ў цёмна-сіні мікрааўтобус і звезлі ў невядомым кірунку.

Нагадаем, Дзмітрыя затрымалі 6 жніўня, а потым асудзілі за «за адмову адчыніць дзверы ў жылое памяшканне для правядзення ператрусу».

Раней праўладныя СМІ пісалі, што Дзмітрый «арганізаваў вытворчасць незарэгістраваных газет і экстрэмісцкіх матэрыялаў у сябе дома».