Адваката Андрэя Мачалава асудзілі да 2 гадоў «хіміі»

Два гады «хіміі» прызначылі экс-адвакату Андрэю Мачалаву. Такі прысуд сёння вынеслі ў судзе Ленінскага раёна Мінска.

У судзе Ленінскага раёна Мінска агучылі прысуд па крымінальнай справе супраць былога адваката Андрэя Мачалава, паведамляюць праваабаронцы. 

Суддзя Таццяна Шоцік прызнала яго вінаватым паводле ч. 1 арт. 380 Крымінальнага кодэкса — нібыта адвакат падрабіў ордэр на ўдзел у крымінальным працэсе, хоць ведаў, што да гэтага часу быў выключаны з Мінскай гарадской калегіі адвакатаў.

Адвакат Андрэя Мачалава — Віталь Брагінец — з 25 траўня знаходзіцца пад арыштам, таму не здолеў прысутнічаць ні на адным пасяджэнні

Нагадаем, у чэрвені 2021 года Мачалаў мусіў абараняць у судзе мінчанку Вольгу Сінялёву, якая папрасіла з'ехаць з арэнднай кватэры пракурорку Аліну Касьянчык. Адвакат прыйшоў на працэс — і там даведаўся, што яго пазбавілі ліцэнзіі.

Яшчэ аднаго адваката пазбавілі ліцэнзіі — пра гэта ён даведаўся на судзе

За гэты эпізод яго сёння і асудзілі. Адвакада абвінаваціўі ў тым, што прыйшоў, як высветлілася, па несапраўднаму адвакацкаму пасведчанню на судовае пасяджэнне. Заяву ў пракуратуру на Мачалава напісала суддзя Анжэла Касцюкевіч, якая судзіла падабаронную адваката.