Актывісты «Еўрапейскай Беларусі» зладзілі перформанс у процівагазах (фота)
Такім чынам актывісты імкнуцца прыцягнуць увагу грамадскасці да праблемы будаўніцтва Беларускай АЭС у Астраўцы.
«Мы хочам нагадаць, што АЭС — гэта небяспека для кожнага беларуса, і што аднаго разу нашая краіна ўжо пацярпела ад атамнай аварыі, якая сталася следствам нядбайнасці, безадказнасці і жадання зрабіць навуковы эксперымент. І цяпер мы не хочам, каб над Беларуссю зноў навісла пагроза атамнай катастрофы», — патлумачыў «Новаму Часу» актывіст грамадзянскай кампаніі «Еўрапейская Беларусь» Максім Вінярскі.
Для правядзення акцыі актывісты скарысталіся магчымасцю ладзіць пікеты падчас падрыхтоўкі да выбарчай кампаніі. Пад гукі сірэны, апрануўшы процівагазы, яны раздавалі мінакам ля станцыі метро Пушкінская ў Мінску ўлёткі з інфармацыяй пра кампанію.
