У Расіі правядуць сваё Еўрабачанне, яго арганізацыяй зоймецца Мінабароны

Мінабароны Расіі распрацоўвае канцэпцыю так званага расійскага "Еўрабачання". У конкурсе будуць прымаць удзел прадстаўнікі ўсіх расійскіх рэгіёнаў і нацыянальнасцяў, паведамляе korrespondent.net.



Выступ Паліны Гагарына на Еўрабачанні 2015

Пра гэта паведамляе ТАСС са спасылкай на начальніка ўпраўлення культуры ваеннага ведамства Антона Губанкова.

"Мы гэтую гісторыю зараз дадумваем, павінна быць выразная канцэпцыя праекта. Першы адборачны этап, магчыма, правядзем ужо ў гэтым годзе", — сказаў ён, удакладніўшы, што ідэю правядзення конкурсу распрацоўваюць ва ўпраўленні разам з тэлеканалам "Зорка".

Гаворачы аб канцэпцыі конкурсу, Губанкоў згадаў розныя фестывалі і конкурсы савецкага перыяду, у якіх удзельнічалі жыхары розных тэрыторый, рэгіёнаў і нацыянальнасцяў. "І цяпер гэты конкурс — гэта нейкая гісторыя, якая аб'ядноўвае, якая цэментуе краіну, — растлумачыў ён. — І важна, што менавіта пад эгідай міністэрства абароны праект нарадзіўся і будзе рэалізаваны. Не магу не сказаць, што ідэя конкурсу належыць нашаму міністру Сяргею Шайгу".

"Еўрабачанне" — рэч, можа, і нядрэнная, але ўлічваючы, колькі народнасцяў і самабытных талентаў ёсць у Расіі, колькі ў нас асаблівых тэрыторый, то атрымліваецца, што Айчына наша — гэта сапраўды цэлы свет", — дадаў Губанкоў.

Плануецца, што ў конкурсе змогуць прыняць удзел усе жадаючыя.

Нагадаем, на Еўрабачанні–2015 прадстаўніца Расіі заняла другое месца. У расійскіх СМІ гэты вынік успрынялі як несправядлівы.