У Расіі затрымалі былую супрацоўніцу Першага канала Марыну Аўсяннікаву

У сярэдзіне сакавіка Аўсяннікава правяла акцыю пратэсту ў прамым эфіры навін Першага канала, выбегшы за спіну вядучай з плакатам супраць вайны ва Украіне.

У тэлеграм-канале былой супрацоўніцы расійскага Першага канала Марыны Аўсяннікавай паведамляецца, што яна затрымана. Там таксама апублікаваны фатаграфіі, на якіх бачна, як супрацоўнікі паліцыі адводзяць яе да фургона. Аб прычынах затрымання інфармацыі няма.
«Марына затрымана. Інфармацыя аб яе месцазнаходжанне невядомая», — сказана ў паведамленні.
У сярэдзіне сакавіка Аўсяннікава правяла акцыю пратэсту ў прамым эфіры навін Першага канала, выбегшы за спіну вядучай з плакатам супраць вайны ва Украіне.
Пасля гэтага яна атрымала адміністрацыйны штраф і пакінула краіну, атрымаўшы працу ў Нямеччыне. Нядаўна Аўсяннікава вярнулася ў Расію, патлумачыўшы гэта сямейнымі абставінамі і заканчэннем кантракту.
15 ліпеня яна правяла адзіночны антываенны пікет каля Крамля. На яе плакаце было напісана: «Пуцін — забойца. Яго салдаты — фашысты. 352 дзіцяці загінулі. Колькі яшчэ павінна загінуць дзяцей, каб вы спыніліся?»
Адвакат Аўсяннікавай Зміцер Захватаў паведаміў выданню AvtozakLive, што яна не выходзіць на сувязь. Па яго версіі, у яе маглі адабраць тэлефон.