У Францыі прадухілілі буйны тэракт

Злачынец, натхнёны атакай тэрарыстаў 11 верасня 2001 года ў ЗША, планаваў ажыццявіць напад, заявіў кіраўнік МУС краіны.

У Францыі паліцэйскія прадухілілі буйны напад на прэфектуру паліцыі ў Парыжы. Пра гэта паведаміў міністр унутраных спраў Францыі Крыстоф Кастанер.

"Гэта была 60-я прадухіленая атака ў Францыі з 2013 года. Затрыманы планаваў ажыццявіць напад, натхнёны атакай тэрарыстаў 11 верасня 2001 года ў ЗША", — заявіў міністр.

Кастанер адзначыў, што ў затрыманага быў распрацаваны план, паводле якога ён збіраўся захапіць самалёт.

Злачынец, якія планаваў напад, быў затрыманы ў канцы верасня, калі паспрабаваў набыць зброю.

Паводле слоў Крыстофа Кастанера, затрыманне зламысніка адбылося незадоўга да падзей у прэфектуры паліцыі 3 кастрычніка.

Нагадаем, у пачатку кастрычніка ў будынку прэфектуры паліцыі Парыжа 45-гадовы адміністрацыйны супрацоўнік ведамства напаў з нажом на сваіх калегаў.

У выніку атакі загінулі жанчына і трое мужчын, яшчэ аднаго паліцыянта з сур'ёзнымі раненнямі даставілі ў шпіталь. Нападніка застрэлілі.

Паводле korrespondent.net