Самалі. Шэйх Ахмед Мадобе марыць пра ўласную дзяржаву

Лідар вайсковай групоўкі, якая кантралюе паўднёвую частку Самалі — правінцыю Юбалэнд (Jubaland), на мінулым тыдні нечакана для ўсіх заявіў пра намер стварыць на базе падкантрольнай яму зоны незалежную дзяржаву.



Шэйх Ахмед Мадобе

Маніфест пра магчымае з’яўленне на карце новай дзяржавы шакіраваў вялікую групу міжнародных дыпламатаў, якія ўжо год намагаюцца неяк стабілізаваць сітуацыю ў краіне, дзе гадоў 20 цягнецца грамадзянская вайна. Быццам, узніклі першыя падставы казаць пра прыход палітычнаму міру, і тут з’яўляецца Мадобе.

Нагадаем, што і без яго Самалі пакутуе ад сепаратыстаў. Раней як мінімум тры самалійскіх рэгіёна патрабавалі ад міжнародных структур прызнаць іх асобнымі дзяржаўнымі адзінкамі. Сімвалічна, што Мадобе пасля абвяшчэнне незалежнасці наведаў Путлэнд — яшчэ адну самаабвешчаную на тэрыторыі Самалі дзяржаву.

Аднак самая галоўная праблема ў іншым. На поўдні краіны знаходзяцца базы кенійскіх войскаў, якія, быццам, з санкцыі АНН дапамагаюць мясцовым уладам падтрымліваць парадак.

Каментатары не выключаюць, што ідэя самастойнага Юбалэнду нарадзілася ў Найробі, які хоча атрымаць рукамі Мадобе выхад да Індыйскага акіяна. У такім разе самалійскі ўнутраны канфлікт можа перарасці ў міжнародны