МІ-5 называлі лепшым працадаўцам для геяў

Служба брытанскай контрразведкі МІ-5 прызнаная самым дружалюбным да геяў працадаўцам у краіне па выніках апытання, праведзенага арганізацыяй "Stonewall", якая абараняе правы ЛГБТ.



Фота з сайта xpinform.ru

У рамках даследавання каля 60 тысяч супрацоўнікаў з прыблізна 400 арганізацый ананімна адказвалі на пытанні аб развіцці кар'еры, узаемадзеянні з калегамі і іншых фактарах, якія ўплываюць на іх працу, паведамляе ВВС.

"Разнастайнасць жыццёва важна для МІ-5, не толькі таму, што мы сапраўды ўяўляем абшчыны, на карысць якіх мы працуем, але і таму што мы давяраем навыкам найбольш таленавітых людзей, незалежна ад таго, хто яны", — заявіў кіраўнік МІ-5 Эндру Паркер.

На другім месцы ў рэйтынгу апынуўся банк "Lloyds", а на трэцім — Нацыянальная асамблея Валіі.

Да 1990-х гадоў геяў на працу ў МІ-5 не прымалі, бо лічылася, што яны ўразлівыя для шантажу.