Як сухая елка можа за хвіліну спаліць кватэру

У ЗША прапагандуюць ставіць навагоднія ёлкі ў вядро з вадой, каб прадухіліць пажар.

Фота: скрыншот. Змяшчэнне елкі ў вядро з вадой прадухіліць пажар

У ЗША знялі відэа, якое дэманструе небяспеку сухіх навагодніх ёлак. Адзначаецца, што ў адрозненне ад ёлак, якія знаходзяцца ў вядры з вадой, сухія дрэвы могуць стаць прычынай пажару.

Ролік Камісіі па бяспецы спажывецкіх тавараў ЗША апублікавала на сваім канале ў YouTube выданне Pennlive.com. 

Як відаць з відэа, дрэва ўсталявалі ў невялікім памяшканні, абстаўленым як жылы пакой. Побач з ім паставілі крэсла і тумбачку з настольнай лямпай і раслінай ў гаршчку, а на сцяне павесілі карціну і святочныя ўпрыгажэнні.

На 25-й секундзе відэа ёлка загарэлася. Праз сем секунд агонь цалкам ахапіў яе галінкі. Яшчэ праз дзесяць секунд палалі тумбачка і крэсла, а дым зацягнуў увесь пакой. Праз 30 секунд пасля пачатку эксперыменту ратавальнікі пачалі тушыць пажар. Кантрольная елка, пакінутая ў аналагічнай абстаноўцы ў вядры з вадой, так і не загарэлася.

Паводле дадзеных Камісіі па бяспецы спажывецкіх тавараў ЗША, у 2016 годзе ў Злучаных Штатах адбылося 100 пажараў, выкліканых узгараннем ёлак; 1,2 тысячы пажараў былі выкліканыя каляднымі свечкамі. У выніку загінулі 20 чалавек.

Падобнае відэа таксама зняў Інстытут стандартаў і тэхналогій ЗША. Загаранне елкі, якая знаходзіцца ў вядры з вадой, так і не прывяло да пажару, у адрозненне ад загарання сухой елкі.

Паводле korrespondent.net