Голас Чырвонай планеты: апублікаваныя першыя гукі з Марса

Амерыканскі марсаход высадзіўся на паверхні планеты і дасылае адтуль усё больш інфармацыі.

NASA апублікавала не толькі відэа, але і першыя гукі з Марса. На аўдыё можна пачуць ціхі трэск і моцны гул — відаць, ад парываў ветру. Яго перадаў новы марсаход — Perseverance. Ён здзейсніў пасадку ў раёне кратэра Езера 18 лютага 2021-га і будзе займацца даследаваннем паверхні Чырвонай планеты.

Паводле «Еўрарадыё».