Еўрапол канфіскаваў тысячы артэфактаў у 103 краінах
Злачынныя сеткі займаліся археалагічнымі знаходкамі і творамі мастацтва, выкрадзенымі з пацярпелых ад вайны краін.
Спецаперацыя Еўрапола. Фота: кадр з відэа
Падчас маштабнай спецаперацыі Еўрапола было канфіскавана больш за 19 тысяч артэфактаў. Пра гэта гаворыцца на сайце Еўрапола.
Аперацыі праводзіліся яшчэ восенню 2019 года, але з аператыўных прычын іх дэталі апублікаваныя толькі цяпер.
Так, больш за 19 тысяч археалагічных артэфактаў і іншых твораў мастацтва былі выяўленыя ў рамках глабальнай аперацыі, якая ахапіла 103 краіны і была накіраваная на ліквідацыю міжнародных сетак незаконнага гандлю творамі мастацтва і антыкварыятам.
У вынікі арыштавалі 101 падазраванага і было распачата 300 расследаванняў. Сярод канфіскаваных прадметаў мастацтва — манеты розных перыядаў, кераміка, гістарычная зброя, карціны і акамянеласці.
Паводле korrespondent.net