Беларусы Рыбка і Леслі атрымалі ўмоўныя тэрміны і будуць дэпартаваны з Тайланда

Аляксандра Кірылава (Алекса Леслі), Анастасію Вашукевич (Насцю Рыбку) і яшчэ шэсць абвінавачаных у парушэнні заканадаўства Тайланда прысудзілі да ўмоўных тэрмінаў зняволення і фактычнаму зняволенню, якое роўнае ўжо адбытаму тэрміну.

Пра гэта паведамляе ria.ru са спасылкай на свайго карэспандэнта ў залі суда.

Усе фігуранты прызналі сябе вінаватымі. Яны правялі ў следчай турме дзевяць месяцаў і зараз чакаюць дэпартацыі на радзіму.
Восем грамадзян Расіі і Беларусі арыштавалі ў Паттайе ў лютым мінулага года, калі яны праводзілі "сэкс-трэнінг" у адной з гасцініц.
Першапачаткова іх абвінавацілі ў арганізацыі нелегальнага трэнінгу і парушэнні працоўнага заканадаўства. У красавіку гэтыя абвінавачванні знялі з-за паправак да закона аб працы, якія адмяняюць крымінальны пераслед за арганізацыю семінараў і трэнінгаў без належнага афармлення.
Пакуль суд разглядаў гэтую справу, у паліцыю Паттайі паступілі новыя заявы, у якіх удзельнікаў групы Леслі абвінавачвалі ў стварэнні тайнай злачыннай супольнасці і прадастаўленні паслуг сэксуальнага характару. Па гэтай справе ім пагражала да дзесяці гадоў турмы.
Насця Рыбка​ стала вядомая пасля расследавання Аляксея Навальнага аб магчымых карупцыйных сувязях мільярдэра Алега Дзерыпаскі і намесніка кіраўніка ўраду Расіі Сяргея Прыходзькі. Улетку 2016 года алігарх і чыноўнік, плаваючы разам на яхце, нібыта абмяркоўвалі ўмяшанне ў амерыканскія выбары. На гэтай яхце ў ліку іншых дзяўчат з эскорт-агенцтваў была і Насця Рыбка.