60% немцаў не хочуць бараніць Польшчу ды краіны Балтыі ад нападу Расіі
«Ці сапраўды немцы — нацыя, якая разумею Расію і сімпатызуе ёй?» — пытаюцца аўтары новага даследавання «Frayed Partnership» («Зношанае партнёрства»).
Фота з сайта nstarikov.ru
Як немцы ўспрымаюць пуцінскую Расію?
Апытанне наконт розных аспектах расійска-нямецкіх адносінаў праводзілася ў сёлетнім сакавіку міжнародным «Фондам Bertelsmann» і Польскім інстытутам публічных справаў сярод немцаў, старэйшых за 14 гадоў.
Падаем ніжэй некаторыя з высноваў аўтараў даследавання.
Пуцінская Расія не зʼяўляецца надзейным партнёрам
На пытанне, ці зʼяўляецца Расія Уладзіміра Пуціна надзейным міжнародным партнёрам 64 % рэспандэнтаў адказалі «хутчэй не», 28 % — «хутчэй так» і яшчэ 8 % не здолелі даць хоць нейкі адказ.
Энергетычная залежнасць ад Расіі
«Як вы ацэньваеце моцную сувязь Нямеччыны з расійскай энергіяй?»
43 % удзельнікаў даследавання даюць адказ «хутчэй негатыўна», 12 % — «вельмі негатыўна», 34 % — «хутчэй пазітыўна» і толькі 5 % — «вельмі пазітыўна».
Што рабіць з санкцыямі, якія былі ўведзеныя ў дачыненні да Расіі пасля анексіі Крыму?
Летась 44 % немцаў прапанавалі пакінуць іх такімі, якія яны ёсць, у той час як цяпер такога меркавання прытрымліваюцца 46 % немцаў. Зрабіць санкцыі больш жорсткімі хацелі б 16 % немцаў (летась — 23 %). У той жа час 27 % немцаў хацелі б аслабіць санкцыі (летась — 23 %).
Ці варта нямецкім жаўнерам бараніць сябраў NАТО Польшчу ды краіны Балтыі ў выпадку расійскай агрэсіі?
57 % апытаных кажуць, што не варта. «Варта», — так лічаць 31 % немцаў, 12 % не маюць адказу.
Якая сацыяльная роля пасуе Расіі ў дачыненнях з Нямеччынай?
Калегай у 2016 годзе Расію палічылы 69 % немцаў (у 2013 — 65 %), суседам — 65 % (60 %), сябрам — 61 % (59 %), кіраўніком — 39 % (38 %).