Пяскоў заявіў, што сітуацыя ў Беларусі знаходзіцца пад кантролем

Сітуацыя ў Беларусі знаходзіцца пад кантролем, няма сэнсу казаць аб магчымасці выкарыстання рэзерву сілавікоў з РФ. Пра гэта заявіў журналістам у панядзелак прэс-сакратар прэзідэнта Расіі Дзмітрый Пяскоў.

"У цяперашні час гаворкі пра выкарыстанне гэтага рэзерву не ідзе. Прэзідэнт Расіі ўсяляк падкрэсліваў, што гаворка ідзе толькі пра крайнюю сітуацыю, калі экстрэмісцкія элементы пяройдуць да прамой дэстабілізацыі. Зараз мы бачым, што становішча спраў пад кантролем, таму зараз няма сэнсу гаварыць пра гэта", — сказаў Пяскоў.
Паводле яго слоў, "у дадзеным выпадку праваахоўнікі, кіраўніцтва рэспублікі дастаткова ўпэўнена трымаюць сітуацыю пад кантролем і не даюць магчымасці для якіх-небудзь правакацый, якія патэнцыйна могуць быць пры вялікай колькасці людзей".
Пры гэтым Пяскоў растлумачыў, што выкарыстанне рэзерву сілавікоў, калі яно будзе неабходна, не запатрабуе згоды Савета Федэрацыі, бо гэта "абавязацельствы Расійскай Федэрацыі, якія былі ратыфікаваны парламентам". Прадстаўнік Крамля растлумачыў, што гаворка ідзе пра абавязальніцтвы РФ перад Беларуссю ў межах дамоваў аб Саюзнай дзяржаве і АДКБ, якія раней ужо былі ратыфікаваны расійскім парламентам.
27 жніўня Пуцін распавёў, што Масква і Мінск дамовіліся аб фарміраванні рэзерву для Беларусі з ліку праваахоўнікаў РФ. Кіраўнік Расіі тлумачыў, што рэзерв з сілавікоў не будзе задзейнічаны, пакуль "экстрэмісцкія элементы, прыкрываючыся палітычнымі лозунгамі, не пяройдуць пэўных межаў і не пачнуць проста чыніць разбой, не пачнуць падпальваць хаты, банкі, спрабаваць захопліваць адміністрацыйныя будынкі і гэтак далей". Каментуючы 28 жніўня гэтую заяву, Пяскоў не стаў адказваць на пытанне аб складзе і колькасці рэзерву, адзначыўшы, што гэта "дастаткова разумная колькасць". Прадстаўнік Крамля таксама нагадаў, што Пуцін зыходзіць з таго, што рэзерв расійскіх праваахоўнікаў для Беларусі не будзе выкарыстаны.
Паводле tass.ru