Беларусь праз чатыры дні ўводзіць забарону на чыгуначны транзіт з Літвы некаторых тавараў

Афіцыйны Мінск уводзіць забарону на чыгуначны транзіт з Літвы для групы тавараў. Пра гэта гаворыцца ў афіцыйнай заяве МЗС, размешчанай на сайце ведамства.

Рашэнне ўрада Літвы аб спыненні транзіту беларускага калію МЗС называе незаконным, парушаючым нормы права і абавязацельствы літоўскага боку, якія абавязваюць даць Беларусі транзіт як краіне, якая не мае выхаду да мора.

— Упраўленне па кантролі за замежнымі актывамі Міністэрства фінансаў ЗША (OFAC) афіцыйна інфармавала літоўскі бок, што амерыканскія санкцыі ў дачыненні да ААТ «Беларуськалій» не з'яўляюцца абавязковымі для дзяржаўнага прадпрыемства «Літоўскія чыгункі». Адпаведна, рашэнне пакуль яшчэ дзеючага ўрада Літвы з'яўляецца ініцыятыўным. У такім кантэксце гэты крок уяўляе сабой элемент гібрыднай агрэсіі ў дачыненні да Беларусі, накіраваны на нанясенне прамога эканамічнага ўрону дабрабыту беларускага народа, — заявілі ў МЗС.

У ведамстве адзначылі, што «кіруючыся прынцыпамі добрасуседства і не жадаючы прычыняць шкоду шматпакутнаму літоўскаму народу, Беларусь устрымлівалася ад рэзкіх мер у адказ». І нагадалі, што беларускі бок «неаднаразова прапаноўваў кансультацыі для ўрэгулявання пытання ў прававым полі», аднак Вільнюс адмовіўся.

— Рэспубліка Беларусь не можа ігнараваць гэтую гібрыдную атаку і вымушаная, як папярэджвалася загадзя, пайсці на захады ў адказ. Намі прынята рашэнне аб забароне перавозак транзітам па сваёй тэрыторыі, якія ідуць з Літвы чыгуначным транспартам, нафтапрадуктаў, хімічных і мінеральных угнаенняў, пагружаных на станцыях «Літоўскіх чыгунак». Па тэрыторыі Рэспублікі Беларусь такіх грузаў перавозіцца каля 1,5-1,6 млн тон на суму больш за 1 млрд долараў ЗША штогод. Звяртаем увагу, што ў мэтах захавання міжнародных правілаў Рэспубліка Беларусь інфармуе ўсіх зацікаўленых за 4 дні да ўступлення ў сілу дадзенага рашэння.