Нобелеўская прэмія па літаратуры-2020: Луіза Глюк
Нобелеўская прэмія па літаратуры за 2020 год прысуджана паэтцы з ЗША Луізе Глюк.
У 2015-м Луіза Глюк атрымала ўзнагароду за ўклад у гуманітарныя навукі з рук Барака Абамы
Шведская акадэмія высока ацаніла яе «паэтычны голас, які сваёй строгай прыгажосцю робіць індывідуальнае існаванне ўніверсальным».
Глюк нарадзілася 22 красавіка 1943 года ў Нью-Ёрку ў сям'і яўрэйскіх выхадцаў з Аўстра-Венгрыі, пражывае ў Кембрыджы (штат Масачусетс). Яна з'яўляецца членам Амерыканскага філасофскага таварыства, канцлерам Акадэміі амерыканскіх паэтаў і ад'юнкт-прафесарам у Ельскім універсітэце.
