Затрыманы Вольга Нікалайчык і Леанід Кулакоў

Грамадскія актывісты Леанід Кулакоў і Вольга Нікалайчык затрыманы ў Мінску падчас пікетавання рэстарана "Гранд Кушавель".

Гэта адбылося падчас пікетавання рэстарана "Кушавель", які належыць уладальнікам скандальна вядомага рэстаранна-забаўляльнага комплексу «Поедем, поедим». У рамках кампаніі грамадскага байкоту, абвешчанай 18 ліпеня, абаронцы Курапатаў плануюць раздаваць улёткі, тлумачыць наведвальнікам "Гранд Кушавель", чым Зайдэс і Сурыс займаюцца ў Курапатах, і рэкамендаваць не наведваць установу.
Пра затрыманне паведаміў у фейсбуку Дзяніс Урбановіч. Ён таксама напісаў, што на "Курапацкай вахце" сёння бракуе людзей.

Як стала вядома, Кулакова і Нікалайчык завезлі ў Цэнтральны РУУС г. Мінска.

Па інфармацыі ад Ганны Шапуцька, затрымана таксама Мая Навумава.