З новага тэндара стала вядома, што зламалася на «Мінскводаканале»
«Мінскводаканал» абвясціў тэндар на рамонт устаноўкі абеззаражвання вады ЭРГ-2000 «Сіваш», паведамляе «Еўрарадыё».
Так выглядае ачышчальная ўстаноўка "Сіваш", якую трэба рамантаваць. Фота studfile.net
Адпаведная абвестка з'явілася на сайце Мінгарвыканкама 25 чэрвеня.
"Тэрмін для падрыхтоўкі і падачы прапаноў: найлепш да 08:00 29.06.2020 года", — пазначана ў тэндары
Магчыма, паломка менавіта гэтай устаноўкі стала прычынай кепскай вады, ад якой пацярпела за апошнія тры дні палова Мінска.
І хаця абвестка пра неабходнасць рамонту з'явілася яшчэ ўчора, аднак увечары 25 чэрвеня кіраўнік Мінгарвыканкама Анатоль Сівак заяўляў праз прэс-службу: "Прычыны здарэнян на гэты момант не выяўленыя. Зыходзячы з дакладаў гарадскіх службаў, адна з версій звязаная з выкананнем тэхнічных рэгламентаў пасля правядзення работ па замене часткі вадавода".