У Беларусі забаранілі курыць на вакзалах

Беларуская чыгунка зрабіла чарговы крок у барацьбе з курэннем у грамадскіх месцах на аб'ектах чыгуначнага транспарту. 



ria.ru

Беларуская чыгунка разам з прадстаўнікамі міністэрстваў па надзвычайных сітуацыях, аховы здароўя, унутраных спраў вызначылі ўмовы стварэння і патрабаванні да абсталявання месцаў для курэння на адкрытым паветры на тэрыторыі вакзальных комплексаў, піша telegraf.by. У парадку эксперыменту на 19 вакзалах (Мінск, Орша, Барысаў, Маладзечна, Баранавічы, Гродна, Ліда, Лунінец, Брэст, Пінск, Гомель, Жлобін, Калінкавічы, Магілёў, Бабруйск, Асіповічы, Крычаў, Віцебск, Полацк) абсталяваны месцы для курэння на адкрытым паветры.

Беларуская чыгунка нагадвае, што курэнне ў забароненых месцах з'яўляецца адміністрацыйным правапарушэннем і цягне накладанне штрафу ў памеры да чатырох базавых велічынь.