У Гомелі за заклікі да пратэстаў затрыманы вядучы мясцовай радыёстанцыі

У Гомелі затрымалі 35-гадовага вядучага радыёстанцыі «Гомель FM» Аляксея Каверына за заклікі да парушэння грамадскага парадку, паведамляе «Беларускае Радыё Рацыя» са спасылкай на праваабаронцаў.

У Гомелі затрымалі 35-гадовага вядучага радыёстанцыі «Гомель FM»Аляксея Каверына за заклікі да парушэння грамадскага парадку. Раней у сеціва «злілі» перапіску гамяльчаніна ў адным з закрытых чатаў, да затрымання ён прасіў прабачэння за яе ў сябе ў Instagram.
Як паведамляе МУС, на гамяльчаніна выйшлі аператыўнікі ГУБАЗіКа. Яны ўстанавілі, што ён размяшчаў тэкставыя і галасавыя паведамленні з «заклікамі да незаконнага збору грамадзян у грамадскіх месцах Гомеля, арганізоўваў групавыя дзеянні, якія груба парушаюць грамадскі парадак і спалучаныя з непадпарадкаваннем законным патрабаванням прадстаўнікам улады». У дачыненні да яго ўзбуджаная крымінальная справа. Па якім канкрэтна артыкуле — не ўдакладняецца, як і абраная мера стрымання. МУС апублікавала «пакаяльнае відэа» з затрыманым Аляксеем Каверыным.
Каверын да нядаўняга часу працаваў на радыё, цяпер яго імя няма ў спісе супрацоўнікаў.