У Беларусі ўзмацняюць інтэрнэт-выведку: працуюць спецпадраздзяленні

Спецыяльныя падраздзяленні органаў унутраных спраў ўзмоцняць інтэрнэт-выведку ў рамках супрацьдзеяння распаўсюджванню наркотыкаў.

Пра гэта ў аўторак, 29 кастрычніка, журналістаў праінфармаваў кіраўнік МУС Юрый Караеў па выніках нарады ў кіраўніка дзяржавы, на якой абмяркоўваліся пытанні па барацьбе з наркотыкамі і прафілактыцы наркаманіі.
Міністр адзначыў, што сёння супрацьдзеянне распаўсюднікам наркатычных рэчываў, іх пастаўшчыкам, якія ажыццяўляюць незаконную дзейнасць у Сеціве, саслабленае.
—Будзем ўзмацняць падраздзяленні інтэрнэт-выведкі, каб паспяхова змагацца на гэтым полі. Бескантактавыя спосабы распаўсюджвання — гэта новая пагроза, і мы з ёй будзем змагацца, адэкватна падладжваючыся пад яе, — падкрэсліў кіраўнік ведамства.
Пяць гадоў таму ў краіне быў прыняты дэкрэт аб неадкладных мерах, накіраваных на барацьбу з незаконным абаротам наркотыкаў. Была ўзмоцнена антынаркатычная палітыка.
У выніку прынятыя меры далі магчымасць стабілізаваць сітуацыю і спыніць рост гэтых відаў злачынстваў, — звярнуў увагу Юрый Караеў.
Што тычыцца цяперашніх беларускіх рэалій, МУС кажа пра кантраляваную і стабільную сітуацыю.
Так, з 2014 года ў 1,5 разы зменшылася колькасць супрацьпраўнай дзейнасці, звязанай з незаконным абаротам наркотыкаў, — з 7300 ў 2014 годзе да 4900 злачынстваў у 2018-м.
У пяць разоў зменшылася колькасць такіх злачынстваў з удзелам падлеткаў — з 466 да 97.
Скарацілася і колькасць выпадкаў перадазіроўкі і смерцяў ад ужывання наркатычных рэчываў. У мінулым годзе зафіксавана 30 смяротных зыходаў, што, паводле дадзеных ААН, у 14 разоў менш у параўнанні з Літвой, і ў 72 разы менш, чым у ЗША (у разліку на 1 млн чалавек).
У мінулым годзе беларускія праваахоўнікі перакрылі 29 каналаў пастаўкі наркотыкаў, а таксама канфіскавалі звыш 700 кілаграмаў гэтых небяспечных рэчываў, у тым ліку псіхатропы.
А на межах Беларусі з суседнімі дзяржавамі дадаткова канфіскавалі каля 600 кілаграмаў наркотыкаў.
Паводле belnovosti.by