Свіней усыпляюць няякаснымі ўколамі — дабіваюць кувалдамі

Для забойства здаровых свіней у Бярозаўскім раёне не падрыхтаваліся.



 Не былі закуплены якасныя ўколы для ўсыплення, кажа звольнены за адмову забіваць здаровых свіней ветэрынар Аляксандр Багданчык: —  Яны колюць уколы, якія не забіваюць, бо нармальных не закупілі. Колюць такія, ад якіх свінні доўга пакутуюць, дык іх яшчэ кувалдай дабіваюць.
Такая сітуацыя выклікала дадатковы шок у гаспадароў. Гаспадыня Сяльца Галіна Чапялевіч, у якой так дабівалі паросную свінню, не ў стане была нешта сказаць:
—  У мяне ідзе працэс, я ніякая (плача). 
—  Яшчэ кувалдай трэба дабіваць?
—  Так, я нават не магу гаварыць, я не магу зараз гаварыць (плача). 
Актывіст кампаніі «Гавары праўду» Валянцін Лазарэнкаў, да якога людзі звярнуліся па дапамогу, лічыць, што трэба падымаць актывістаў зялёных рухаў. Такія дзеянні ветэрынараў у 21 стагоддзі можна назваць варварскімі, кажа актывіст.
racyja.com