Студэнты Гарадзенскага ўніверсітэту заступіліся за выкладчыка Валянціна Аскірку
Рэпрэсіі ў дачыненні да сумленных выкладчыкаў працягваюцца.
![photo_2020_12_03_23_35_20.jpg photo_2020_12_03_23_35_20.jpg](/img/v1/images/photo_2020_12_03_23_35_20.jpg?f=f&h=396&o=0&u=1715395350&w=528)
Больш за 270 студэнтаў і выпускнікоў інжынерна-фізічных спецыяльнасцяў ГрДУ паставілі свае подпісы ў абарону Валяніціна Аскіркі. Акрамя гэтага падпісаны патрабуюць агучыць Валянціну Фёдаравічу Аскірку падзяку за шматгадовую і добрасумленную працу, паколькі ён заслужыў павагу і ўдзячнасць студэнтаў і выпускнікоў.
Раней кіраўніцтва гарадзенскага ўніверсітэту не працягнула кантракт з старэйшым выкладчыкам кафедры агульнай фізікі Валянцінам Аскіркам. З 3 снежня ён застаўся без працы.