Пятніца пачалася з затрыманняў
Раніцай 11 верасня ў Беларусі затрымліваюць журналістаў, якія супрацоўнічаюць з «Белсатам», жанчын, якія прыйшлі падтрымаць актывістаў страйкама «Беларуськалія» да Мінскага абласнога суда.
Затрыманні каля Мінскага абласнога суда. Скрыншот з відэа
ВІЦЕБСК
Раніцай пятніцы ў Віцебску падчас здымкаў быў затрыманы журналіст «Белсату» Зміцер Казакевіч.
Да яго падышлі двое супрацоўнікаў міліцыі, пасадзілі ў аўтамабіль і звезлі.
Пра затрыманне паведамляе на старонцы
ў твітары Belsat_TV. Журналіст Зміцер Казакевіч патэлефанаваў жонцы з міліцыі.
Супраць яго распачалі справу паводле артыкулу 23.34 КаАП. Цяпер павязуць на
ІЧУ. У панядзелак суд.
МІНСК
Каля Міскага абласнога суда дзе пачнуцца слуханні па іску «Беларуськалія» да страйкама прадпрыемства, жорстка затрымалі некалькі чалавек, якія прыйшлі падтрымаць удзельнікаў страйкаму «Беларуськалія». Адну з жанчын затрымалі нават у будынку суда і адвялі ў мікрааўтобус. Праз некалькі хвілін да суда падышла група жанчын у шахцёрскіх касках з плакатамі. Усіх іх адразу ж затрымалі таксама.
Затрыманні каля Мінскага абласнога суда. Фота: Радыё Свабода.
Вядомыя прозвішчы двух жанчын. Гэта Інга і Вераніка Ліндарэнкі.
ГОМЕЛЬ
Ранкам 11 верасня каля Гомельскага дзяржаўнага тэхнічнага ўніверсітэта імя Паўла Сухога затрымалі выкладчыка інфарматыкі. Пра гэта «Свабодзе» паведамілі студэнты, якія сталі сведкамі затрымання.
Цяпер Вадзім Бельскі знаходзіцца ў першым аддзяленні міліцыі Савецкага РАУС. Там адмаўляюцца сказаць, за што ён менавіта затрыманы.Паведамляецца пра затрыманне гомельскага журналіста-фрылансера Андрэя Толчына, які супрацоўнічае з «Белсатам».