Колькасць эмігрантаў з Беларусі дасягнула максімуму

Так шмат жыхароў Беларусі, як цяпер, эмігравала толькі ў 1990-ыя.

Белстат апублікаваў падрабязныя звесткі аб міграцыі за 2017 год. Галоўная выснова: колькасць тых, хто стала з’ехаў з краіны, дасягнула максімуму ад пачатку стагоддзя. Міліцыя і сельвыканкамы налічылі летась 15087 эмігрантаў, хоць яшчэ некалькі гадоў таму іх было ўдвая менш.
У экспертаў узнікаюць пытанні да слушнасці методыкі падліку, — напрыклад, беларусы, якія з’язджаюцца ў Расіі і застаюцца там назаўсёды, часцяком не ўлічваюцца. Затое туркмены і кітайцы, якія, адвучыўшыся, вяртаюцца на радзіму, запісваюцца ў беларускія эмігранты. Тым не менш іншых звестак падобнага кшталту няма.

Колькасць міжнародных эмігрантаў па гадах

1995 — 35 071
2000 — 13 812 2005 — 11 082
2010 — 6866
2015 — 9855
…2017 — 15 087

У якія краіны з’язджаюць беларусы?*

*дадзеныя за 2017 год (у дужках розніца адносна 2012 года)
1. Расія — 6125 (+632) 2. Украіна — 1781 (+1078) 3. Кітай — 1436 (+1432) 4. Туркменістан — 1185 (+1069) 5. Ізраіль — 788 (+425) 6. Германія — 515 (+12) 7. Польшча — 472 (+310) 8. ЗША — 325 (+160) 9. Літва — 321 (+146) 10. Казахстан — 187 (+118) 11. Латвія — 159 (+97) 12. Іран — 154 (+153) 13. Італія — 145 (+56) 14. Канада — 103 (+31) 15. Аўстрыя — 88 (+47) 16. Азербайджан — 87 (+38) 17. Грузія — 83 (+50) 18. Турцыя — 81 (+39) 19. Малдова — 69 (+39) 20. Францыя — 66 (+29)
Агулам — 15 087 (+6375)
«Наша Ніва»