Каталіцкіх семінарыстаў і святароў Гродзеншчыны масава выклікаюць у ваенкаматы

Каля 20 навучэнцаў каталіцкай семінарыі ў Гродне і маладых святароў-грамадзян Беларусі, якія служаць на Гродзеншчыне, атрымалі позвы з патрабаваннем з’явіцца ў ваенкаматы.

Пра гэты ў каментары карэспандэнту Krynica.info распавёў ксёндз-канонік Антоні Грэмза, душпастыр моладзі Гродзенскай дыяцэзіі.
“Такое першы раз. Першы раз, каб так”, — адзначыў ён.
Паводле яго, усе неабходныя спісы навучэнцаў і маладых святароў з просьбай аб адтэрміноўцы былі дасланыя ў вайсковыя камісіі яшчэ летась. “Яшчэ няма інфармацыі, ці ёсць адтэрміноўка, ці няма, але ўсіх выклікаюць у камісіі. Невядома, што будзе далей і што стала падставай. Чакаем дагэтуль адказу”, — падкрэсліў ксёндз-канонік.