ЦВК зарэгіструе кандыдатаў у прэзідэнты 10 верасня

Кіраўнік Цэнтрвыбаркама Лідзія Ярмошына паведаміла, што зарэгістраваць кандыдатаў у прэзідэнты плануецца 10 верасня.



Фота gazetaby.com

Цяпер ініцыятыўныя групы патэнцыйных кандыдатаў працягваюць збор подпісаў, які завершыцца 21 жніўня.

Па словах Ярмошынай, выбарчая кампанія ў цэлым праходзіць досыць спакойна: "Мы атрымліваем невялікую колькасць скаргаў". Пры гэтым, падкрэсліла старшыня ЦВК, дзеянні шэрагу груп носяць правакацыйны характар і "накіраваны на тое, каб іх са скандалам знялі. Пакуль ЦВК трымаецца. Прадстаўлены шырокія магчымасці для вылучэння".

На дадзены момант мяжу ў 100 тысяч подпісаў пераадолелі Сяргей Гайдукевіч, Таццяна Караткевіч, Аляксандр Лукашэнка, Віктар Цярэшчанка і Мікалай Улаховіч.

Паводле БЕЛТА