Бязвізавы рэжым з Ізраілем да Раства не запрацуе — МЗС

У адпаведнасці з палажэннямі прынятага пагаднення аб адмене візавага рэжыму паміж Беларуссю і Ізраілем, яно набывае моц праз 90 дзён з моманту ратыфікацыі, а не з моманту падпісання пагаднення, якое адбылося 19 верасня.



Прэс-сакратар беларускага МЗС Дзмітрый Мірончык на брыфінгу заявіў, што ў адпаведнасці з палажэннямі дакумента бакі абавязаны першапачаткова ажыццявіць ўнутрыдзяржаўныя працэдуры, неабходныя для яго ўступлення ў дзеянне, паведамляе БелТА.

«Для беларускага боку гэта азначае прыняцце Нацыянальным сходам закона аб ратыфікацыі. Па наяўнай інфармацыі, ўзгадненне з парламентам таксама спатрэбіцца і ў Ізраілі. Такім чынам, адлік 90 дзён трэба весці не ад моманту падпісання пагаднення, а ад даты завяршэння працэсу ратыфікацыі абедзвюма бакамі», — паведаміў Мірончык.

Дзмітрый Мірончык адзначыў, што Беларусь і Ізраіль прыкладаюць максімальныя намаганні для паскарэння завяршэння гэтых працэдур з улікам высокай значнасці адмены візавага рэжыму для грамадзян абедзвюх дзяржаў.