«Белавія» прыпыняе палёты яшчэ ў некалькі краін

У сувязі з прыпыненнем міжнародных авіяцыйных перавозак у шэрагу краін з-за сітуацыі з каронавірусам авіякампанія «Белавія» прыпыняе выкананне палётаў у аэрапорты Украіны, Польшчы і Кіпра.

Пра гэта паведамляе прэс-служба кампаніі.
У Кіеў, Львоў, Харкаў і Адэсу палёты прыпыненыя з 17 па 31 сакавіка. У Ларнаку — з 15 па 30 сакавіка, у Варшаву — з 15 па 27 сакавіка.

У кампаніі адзначылі, што вяртанне сродкаў або змяненне даты вылету на адмененыя рэйсы можна будзе зрабіць да 31 снежня 2020 года.
«Звярнуцца ў службу падтрымкі авіякампаніі па гэтым пытанні можна будзе ў любы час да канца 2020 года, не трэба рабіць гэта цяпер, усе дадзеныя вашага білета захаваны ў нас у сістэме, таму да нас можна звярнуцца і пасля меркаванай даты палёту, назваўшы нумар вашага білета. У вас ёсць некалькі месяцаў, каб абдумаць, калі вы хочаце ляцець па дадзеным білеце ў наступны раз», — гаворыцца ў паведамленні «Белавія».
Нагадаем, напярэдадні нацыянальны авіяперавозчык паведаміў аб адмене рэйсаў у больш чым 20 краін.
tut.by