Ад пачатку года ў Беларусі памерла на 15 тысяч чалавек больш, чым нарадзілася

Колькасць насельніцтва Беларусі па стане на 1 ліпеня 2018 года апусцілася да 9 478 200 чалавек. Ад пачатку года ў краіне стала менш на 13 600 жыхароў.

Больш за тое, калі б не мігранты, то сітуацыя выглядала б яшчэ горшай.
За першае паўгоддзе ў Беларусі нарадзіліся 46 700 дзяцей. А памерлі за той самы час 62 200 чалавек. Натуральныя страты — 15 500 беларусаў.
Скарачаецца і насельніцтва сталіцы. У Мінску цяпер жыве 1 981 700 чалавек. У пачатку года было на 800 чалавек больш.
Паводле Нашай Нівы