З пачатку года бульба ў Беларусі падаражэла на 21%
Індэкс спажывецкіх цэн на тавары і паслугі ў красавіку ў параўнанні з сакавіком склаў 101,6%, са снежнем 2013 года — 106,6%.
Пры гэтым кошты на харчовыя тавары ў красавіку ў параўнанні з сакавіком выраслі на 2%, са снежнем — на 8,3%. Пра гэта сведчаць дадзеныя Нацыянальнага статыстычнага камітэта.
З харчовых тавараў больш за ўсё за месяц падаражэлі садавіна (на 5,4%), мяса і птушка (4,3%) і гародніна (3,6%), з пачатку года — бульба (21,1%), тытунёвыя вырабы (19,8%) і садавіна (18,4%).
Індэкс цэн на нехарчовыя тавары ў красавіку ў параўнанні з сакавіком склаў 100,4%, са снежнем — 101,8%. Больш за ўсё падаражэлі за месяц пісьмовыя прыналежнасці і медыкаменты (1,4%) і
сінтэтычныя мыйныя сродкі (1,2%), з пачатку года — медыкаменты (4,9%), ровары і матацыклы (3,9%), сінтэтычныя мыйныя сродкі (3,4%).
Індэкс цэн і тарыфаў на платныя паслугі ў красавіку ў параўнанні з сакавіком склаў 102,8%, са снежнем — 111,8%. Больш за ўсё падаражэлі за месяц паслугі дашкольных устаноў (на 66,7%),
пасажырскага транспарту (11,9%) і тэатраў (2,7%), з пачатку года — паслугі дашкольных устаноў (на 66,7%), газазабеспячэнне (30,3%) і тэхабслугоўванне жылых памяшканняў (21,9%).
Базавы індэкс спажывецкіх цэн, які выключаў змянення цэн на асобныя тавары і паслугі, схільныя ўплыву фактараў адміністрацыйнага і сезоннага характару, у красавіку ў параўнанні з сакавіком склаў
101,4%, са снежнем — 104,9%.