З-за моцнай паводкі чатыры матчы ЧС-2014 па футболе пад пагрозай зрыву

У адным з гарадоў Бразіліі — Курыцібе, дзе павінны адбыцца чатыры матчы чэмпіянату свету па футболе, абвешчана надзвычайнае становішча, што пагражае правядзенню гэтых сустрэч, паведамляюць інфармагенцтвы.



Падставай для прыняцця ўладамі рашэння аб увядзенні надзвычайнага становішча стала паводка, выкліканая моцнымі ліўнямі ў паўднёвай частцы краіны. Ужо загінула некалькі чалавек. Тым часам сіноптыкі прагназуюць ўзмацненне ападкаў у бліжэйшы час. Гэта акалічнасць ставіць пад пагрозу правядзенне запланаваных на мясцовым стадыёне "Арэна Байшада" матчаў Іран — Нігерыя (16 чэрвеня), Гандурас — Эквадор (20 чэрвеня), Аўстралія — ​​Іспанія (23 чэрвеня) і Алжыр — Расія (26 чэрвеня). Пакуль не паведамляецца, ці разглядаецца магчымасць пераносу гэтых гульняў на іншыя стадыёны.
 

Аднак Курыціба не адзіны населены пункт, у якім з-за стыхійнага бедства абвешчана надзвычайнае становішча. Такі ж рэжым дзейнічае яшчэ ў 130 гарадах Бразіліі.