Улады Венесуэлы абвясцілі пра правал мяцяжу. У Каракасе пачаліся беспарадкі

Міністэрства абароны Венесуэлы паведаміла аб няўдалай спробе мецяжу ў сталіцы краіны. Паводле інфармацыі мясцовых СМІ, затрыманыя некалькі дзясяткаў чалавек. Адначасова ў тым жа раёне Каракаса пачаліся беспарадкі.

Паводле паведамлення мінабароны, невялікая група вайскоўцаў нацыянальнай гвардыі скрала зброя з КПП у сталічным раёне Петар і ўзяла ў закладнікі чатырох афіцэраў. Затым мяцежнікі адправіліся ў раён Коціса.
На відэазапісах ў сацсетках відаць, як людзі ў ваеннай форме заяўляюць, што яны дзейнічаюць «ад асобы венесуэльскага народа» і заклікаюць грамадзян выйсці на пратэстныя акцыі.
У мінабароны адзначаюць, што на камандным пункце ў Коцісе мяцежнікі сутыкнуліся з актыўным супрацівам з боку ваенных, якія захоўваюць вернасць ўраду краіны.
Паводле паведамлення ведамства, мяцежнікі схоплены і ўжо даюць паказанні, а выкрадзеную імі зброю вернута вайскоўцам.
Кіраўнік нацыянальнага ўстаноўчага сходу Венесуэлы Дыасдада Кабельё у сваім «Твітары» паведаміў, што «вартавыя радзімы арыштавалі маленькую групу налётчыкаў і здраднікаў радзімы».
На фотаздымках і відэазапісах, апублікаваных на апазіцыйных інтэрнэт-рэсурсах Венесуэлы, бачныя натоўпы людзей, якія прымаюць удзел у вулічных пратэстах, якія пачаліся ў раёне Коціса каля вайсковай часткі нацгвардыі адначасова з паведамленнямі аб няўдалым мяцяжы.

Паводле nn.by