Удзельніц Pussy Riot вызваляць па амністыі

Замежжа

Удзельніцы гурта Pussy Riot, асуджаныя за «панк-малебен» ў храме Хрыста Збавіцеля, трапяць пад амністыю да 20-годдзя Канстытуцыі РФ.



pussy_riot.jpg

Гэта вынікае з праекта пастановы аб амністыі, які ўнесены 9 снежня ў Дзярждуму. Інфармацыя аб дакуменце апублікаваная на сайце прэзідэнцкай адміністрацыі.

Газета «Ведамасці» піша, што таксама на амністыю змогуць разлічваць ўсе асуджаныя і падследныя ў справах аб злачынствах, якія прадугледжаны часткамi 2 i 3 артыкула 212 КК (удзел у масавых беспарадках і заклікі да іх) і артыкулам 213 КК (хуліганства). Такім чынам, амністыя павінна распаўсюдзіцца на частку фігурантаў «балотнай справы», якіх пры гэтым не вінавацяць па больш цяжкім артыкуле 318 (ужыванне гвалту да паліцыянтаў), і ўсіх актывістаў Greenpeace, якія фігуруюць у справе пра акцыю на платформе «Прыразломная».


З фігурантаў іншых гучных спраў пад амністыю не падпадаюць, у прыватнасці: былы кіраўнік «ЮКАСа» Міхаіл Хадаркоўскі, які асуджаны за крадзяжы і адмыванне грошай; апазіцыянер Аляксей Навальны, асуджаны за крадзеж сродкаў «Кіраўлеса»; былы міністр абароны Анатоль Сердзюкоў, які абвінавачваецца ў халатнасці; ўсе фігуранты справы аб крадзяжах у «Оборонсервісе».
Як і меркавалася раней, асноўныя катэгорыі грамадзян, якія трапляюць пад амністыю, — непаўналетнія, маці непаўналетніх дзяцей, цяжарныя, жанчыны старэйшыя за 55 гадоў і мужчыны старэйшыя за 60 гадоў і інваліды. Як заявіў агенцтву «Інтэрфакс» кіраўнік фракцыі «Адзіная Расія» у Дзярждуме Уладзімір Васільеў, з улікам зададзеных крытэраў пад амністыю падпадуць 25 тысяч чалавек, як асуджаных, так і тых, якія з'яўляюцца абвінавачанымі ў здзяйсненні злачынстваў невялікай або сярэдняй цяжкасці.
Праект шырокай амністыі да юбілею канстытуцыі распрацоўваўся пры ўдзеле прэзідэнцкага Савета па правах чалавека. У іх версіі амністыя павінна была распаўсюдзіцца на чвэрць усіх расійскіх зняволеных, якіх налічваецца ў агульнай колькасці амаль семсот тысяч чалавек, аднак пасля крытэрыі амністыі сталі больш жорсткімі. Прэзідэнт Уладзімір Пуцін падкрэсліваў, у прыватнасці, што на волю не павінны выйсці тыя, хто здзяйсняў гвалтоўныя дзеянні ў дачыненні да прадстаўнікоў улады.
lenta.ru