У адэскім Доме прафсаюзаў знойдзены хлараформ — МУС

Рэчыва было ў будынку яшчэ да падзей 2 мая.



Фота Reuters

У Доме прафсаюзаў у Адэсе, дзе 2 мая загінула некалькі дзясяткаў чалавек, быў знойдзены хлараформ, які ўжываецца ў медыцыне, заяўляе начальнік Галоўнага следчага ўпраўлення МУС Украіны Віталь Сакал.

"У смецці і сажы, якія былі канфіскаваныя ў выніку агляду памяшканняў Дома прафсаюзаў, было выяўлена такое рэчыва, як хлараформ. Яно вядомае ўсім: яго выкарыстоўваюць пры правядзенні хірургічных аперацый, але адкуль яно ўзялася ў Доме прафсаюзаў, зараз намі ўсталёўваецца", — заявіў ён на брыфінгу ў панядзелак.

"Удыханне пары хлараформу — ёсць адпаведнае заключэнне экспертызы — прыводзіць да прыпынку дыхання, што і адбылося ў нас. 32 чалавекі загінулі (у Адэсе 2 мая — рэд.) Ці не ад высокай тэмпературы, а з прычыны ўплыву невядомага рэчыва, спынення сэрца і ўдушша", — адзначыў Сакал.

Начальнік Галоўнага следчага ўпраўлення таксама адзначыў, што сумесь, якая ўтрымлівае хлараформ, знаходзілася ў Доме прафсаюзаў не адзін дзень. "Па словах экспертаў, калі яна доўга знаходзіцца ў паветры і кантактуе з ім, то яна пераходзіць у небяспечнае рэчыва. І нават не трэба яе нагрэву, яе ўдыханне прыводзіць да непапраўных наступстваў для здароўя", — растлумачыў ён.

Сакал таксама паведаміў, што для таго, каб больш старанна правесці экспертызу, ўкраінскія праваахоўнікі звярнуліся ў амбасаду Ізраіля ва Украіне з просьбай прадаставіць кваліфікаваных экспертаў і дапамагчы ўкраінскім спецыялістам.

Паводле korrespondent.net