У Сербіі прарасійскія палітыкі заклікалі Пуціна ўвесці войскі ў Косава

Сербская прарасійская партыя "Сербская ліга" заклікала прэзідэнта Расіі Уладзіміра Пуціна ўвесці войскі ў Косава для "абароны сербаў", якую не могуць забяспечыць міжнародныя міратворцы.

Пра гэта гаворыцца ў паведамленні лідара партыі Аляксандра Джурджэва на афіцыйным сайце.
Па словах Аляксандра Джурджэва, місія ААН і сілы еўрапейскай місіі EULEX у Косава «не могуць абараніць сербскі народ ад дзеянняў албанскіх тэрарыстаў, хоць іх галоўная роля заключаецца ў захаванні міру, стабільнасці і забеспячэнні бяспекі насельніцтва». У сувязі з гэтым Джурджэз заклікаў урад Сербіі скарыстацца правам, якое прадстаўляюцца рэзалюцыяй 1244 Савета Бяспекі ААН, і размясціць у Косава 999 сербскіх салдат.
Ён таксама прапанаваў пачаць перамовы аб размяшчэнні ў Косава міратворцаў з Расіі, каб «прадухіліць жудасныя забойствы сербаў і знішчэнне маёмасці». «"Сербская ліга" заклікае выканаўчую і заканадаўчую ўладу нашай краіны, урад і парламент звярнуцца да прэзідэнта Расіі Уладзіміра Пуціна з просьбай падлучыцца да працэсу вырашэння сітуацыі, і, па аналогіі з мадэллю вырашэння крызісу ў Сірыі, падпісаць пагадненне паміж Сербіяй і Расеяй», — растлумачыў Джурджэў.