У Еўрапарламенце назвалі цану магчымай вайны Расіі з Украінай

У выпадку агрэсіі РФ супраць Украіны ўраду ФРГ нельга дапускаць увод у эксплуатацыю газаправода «Паўночны паток — 2», лічыць кіраўнік фракцыі EVP у Еўрапарламенце Манфрэд Вэбер.

У выпадку нападу Расіі на Украіну ўрад Германіі павінен неадкладна згарнуць праект «Паўночны паток — 2». Такое меркаванне выказаў старшыня фракцыі Еўрапейскай народнай партыі (EVP) у Еўрапарламенце Манфрэд Вэбер у інтэрв'ю нямецкай штотыднёвай газеце Bild am Sonntag, піша delfi.lt.
«Калі Пуцін пусціць у ход зброю, то газаправоду "Паўночны паток — 2" канец, — заявіў еўрадэпутат. — Увядзенне ў эксплуатацыю было б тады выключана. Гэтую цану будучы ўрад Германіі павінны выразна пазначыць». На думку Вэбера, сітуацыя, якая склалася, з'яўляецца праверкай «для NATO і ўсёй заходняй супольнасці».
«Важна, каб NATO дала зразумець, што Расія заплаціць высокую цану, калі распачне штосьці супраць Украіны», — канстатаваў ён.
Раней у артыкуле, апублікаваным на сайце аналітычнага цэнтра Atlantic Council, міністр абароны Украіны Аляксей Рэзнік заклікаў заходніх лідараў надаць ягонай краіне падтрымку ва ўмовах ціску з боку Расіі. Пры гэтым палітык адзначыў, што следствам вайны на тэрыторыі Украіны сталі б мільёнаў бежанцаў, а таксама перабоі з пастаўкамі ў Еўропу харчовых тавараў, у прыватнасці, збожжа, з Расіі і Украіны.
Будаўніцтва магістральнага газаправода "Паўночны паток-2", які праходзіць па дне Балтыйскага мора і мае працягласць 1234 кіламетры (2468 км па дзвюх нітках), завершана. Ён тэхнічна гатовы да перапампоўкі расійскага прыроднага газу ў Еўропу, аднак сыравіна па ім пакуль не паступае. У сярэдзіне кастрычніка германскі рэгулятар — Федэральнае агенцтва па сетках (BNetzA) — прыпыніў працэдуру сертыфікацыі газаправода да завяршэння стварэння даччынай кампаніі Nord Stream 2 AG для эксплуатацыі нацыянальнага ўчастка магістралі і перадачы ёй асноўных актываў і кадравых рэсурсаў.